SRL: Kersfees boodskap en Voorspoed vir 2009

Die eksamens is verby en die kerstyd lê om die draai.

Mag al die Hansies ‘n veilige en wonderlike vakansietyd geniet!!

Kerstyd is ‘n tyd van stories vertel, saam lag,geskenke deel en Jesus se geboorte feestelik vier!

Dis ook die tyd wanneer ons drome begin droom vir 2009!

Mag julle ‘n gesëende kerstyd geniet en vol energie aanmeld vir 2009

Van: Wynand Kruger, Sune Buchner en SRL lede 2009

Hansies: Voorspoed met finale eksamen 2008

“Die geheim van sukses is maar net om jou gewone werk buitengewoon goed te doen”

3 November 2008 begin die Hansies(graad 8 – 11) met finale eksamen vir 2008. Ons wens elke Hansie sterkte toe met die eksamen, en laat die voorspoed julle verveel.

Almal van ons ken die nare gevoel van eksamen!!!

Ek leer.
Ek skryf.
Ek leer.
Ek skryf.
Ek leer.
Ek skryf.

Ek probeer leer.
Ek probeer skryf.
Ek probeer leer.
Ek probeer skryf.
Ek probeer nog harder.
En net nog harder.

En iewers langs die pad.
Het ek my blikkie pampoenpitte
neergesit…
En hulle vergeet.

(Deur: Goselyn)

Onthou eksamen word gewoonlik gevolg deur ‘n lekker partytjie of lui lekker dae van niks doen of selfs ‘n vakansie by die see. Dit klink dalk nog ver, maar tog vlieg die tyd. Nietemin wil ons julle aanmoedig om gefokus te bly tydens die eksamen.

Aan al die Hansies: In hierdie tyd van eksamens deel ons graag met julle die pragtige gebed van Koos Du Plessis:

Laat my nooit die grond verlaat nie

Laat my in u skadu bly

Gee dat elke aardse vreugde en vrees

Eindelik nietig word vir my

Elke afdraai padjie ken ek

elke keer het ek gedwaal

Elke keer het u my iewers kom haal

Maak dit Heer die laaste maal

Elke dag is ‘n gedagte

Elke kamer net gehuur

elke aardse droom van rykdom en roem

net ‘n skadu teen die muur

Wat ek is, is net genade

Wat ek het is net geleen

Eintlik smag ek na U waters van rus

Lei my Heer vandag daarheen.

Eksamen groete: Wynand Kruger, Sune Buchner en SRL Lede